Անգլիական «Մանչեսթեր Սիթիի» կիսապաշտպան Կևին դե Բրույնեն հնարավորություն ունի մնալու Եվրոպայում, հայտնում է Ջանլուկա Դի Մարցիոն:
Բելգիացի ֆուտբոլիստի ծառայություններով հետաքրքրված են «Լիվերպուլը» և իտալական «Նապոլին»:
Ընդ որում՝ մերսիսայդցիներն արդեն կապ են հաստատել Դե Բրույնեի հետ և պայմանագիր են առաջարկել նրան:
Այնուամենայնիվ, Նեապոլում կարծում են, որ ակումբն առավելություն ունի, քանի որ Ռոմելու Լուկակուն Դե Բրույնեի մոտ ընկերն է և կարող է համոզել նրան:
Հիշեցնենք, որ ընթացիկ մրցաշրջանից հետո Կևին Դե Բրույնեն ազատ գործակալի կարգավիճակում հեռանալու է «Մանչեսթեր Սիթիից»:
