Թուրինի «Յուվենտուսի» արգենտինացի կիսապաշտպան Անխել Դի Մարիան խոսել է Եվրոպա լիգայի ընթացիկ խաղարկությունում հաղթելու ցանկության մասին:
«Ես թեթև ցավ ունեի, բայց սա սովորական հոգնածություն է այսքան հանդիպումներից հետո: Կարևոր էր քրտնաջան աշխատել և հաղթել։ Ուրախ եմ, որ օգնեցի թիմին և հույս ունեմ, որ կշարունակեմ նույն տեմպով:
Ամեն ինչ կանենք, որպեսզի հաղթենք Եվրոպա լիգայում, սա մեր նպատակներից է, ինչպես նաև Իտալիայի գավաթը նվաճելը։ Մենք կփորձենք նվաճել երկու տիտղոսները»,- աշխարհի նորընծա չեմպիոնի խոսքը մեջբերում է Sky Sport Italia-ն:
Հիշեցնենք, որ Եվրոպա լիգայի 1/8 եզրափակիչի առաջին խաղում իտալական գրանդը Դի Մարիայի գոլի շնորհիվ 1-0 հաշվով հաղթել էր գերմանական «Ֆրայբուրգին»: Դիմակայության պատասխան հանդիպումը տեղի կունենա մարտի 16-ին Գերմանիայում:
