Թուրինի «Յուվենտուսի» արգենտինացի կիսապաշտպան Անխել Դի Մարիան, հեթ-տրիկ ձևակերպելով ֆրանսիական «Նանտի» դեմ Եվրոպա լիգայի 1/16 եզրափակիչի պատասխան խաղում, կրկնել է ակումբային ռեկորդ:
Gracenote-ի հաղորդմամբ՝ 35-ամյա արգենտինացին «Յուվենտուսի» պատմության չորրորդ ֆուտբոլիստն է, որ հեթ-տրիկի հեղինակ է դարձել եվրագավաթների արտագնա խաղում:
Նախկինում նման արդյունք գրանցել էին Ֆիլիպո Ինձագին (երկու անգամ՝ 1997/98 և 2000/01 մրցաշրջաններում), Պաոլո Ռոսին (1984/85) և Ադրիանո Նովելինին (1970/71)։
Հիշեցնենք, որ իտալական գրանդն արտագնա խաղում 3-0 հաշվով հաղթել էր «Նանտին» և դուրս եկել Եվրոպա լիգայի 1/8 եզրափակիչ: «Յուվենտուսի» և «Նանտի» դիմակայության առաջին խաղն ավարտվել էր 1-1 հաշվով:
