Մոսկվայի «Դինամոն» Ռուսաստանի ազգային հավաքականի կիսապաշտպան Արսեն Զախարյանի ծառայություններն առաջարկել է թուրքական «Ֆեներբահչեին», հայտնում է Fotospor-ը:
Երբ Ստամբուլը ներկայացնող ակումբի ներկայացուցիչները ժամանել են Մոսկվա, որպեսզի բանակցեն «Դինամոյի» լեհ կիսապաշտպան Սեբաստյան Շիմանսկիի տրանսֆերի համար, դինամոյականները «Ֆեներբահչեին» առաջարկել է ձեռք բերել 20-ամյա Զախարյանին:
Թուրքական ակումբը հրաժարվել է գնել հայ ֆուտբոլիստի տրանսֆերային իրավունքը: «Ֆեներբահչեն» որոշել է ձեռք բերել Շիմանսկիին, որի տրանսֆերի համար վճարել է 9,75 միլիոն եվրո:
Ավելի վաղ հաղորդվում էր, որ Զախարյանի ծառայություններով հետաքրքրված է հոլանդական «Ֆեյենորդը», իսկ Ամստերդամի «Այաքսը» հետևում է նրա խաղին:
Հիշեցնենք, որ այս տարվա հունվարին Արսեն Զախարյանը հրաժարվել էր տեղափոխվել Ստամբուլի «Գալաթասարայ», իսկ 2022 թվականի օգոստոսին ձախողվել էր նրա տրանսֆերը Լոնդոնի «Չելսի»:
