Հռոմի «Ռոմայի» իտալացի կիսապաշտպան Նիկոլո Ձանիոլոն կտեղափոխվի թուրքական «Գալաթասարայ»: Այդ մասին սոցցանցերում հայտնել է ֆուտբոլային ինսայդեր Ֆաբրիցիո Ռոմանոն:
Իտալիայի հավաքականի 23-ամյա ֆուտբոլիստն իր գործակալ Ջորջ Հարդիի հետ մեկնել է Ստամբուլ, որպեսզի ավարտի գործարքը: Ձանիոլոն և «Գալաթասարայը» կստորագրեն չորս տարվա պայմանագիր, իտալացու աշխատավարձը կկազմի տարեկան 3,5 միլիոն եվրո։
«Ռոման» տրանսֆերի համար կստանա 22 միլիոն եվրո:
Հիշեցնենք, որ Ձանիոլոն իտալական ակումբում խաղում է 2018 թվականի հուլիսից:
