Բուդապեշտում կայացել է ձյուդոյի աշխարհի առաջնության վիճակահանությունը:
Հունգարիայի մայրաքաղաքում հունիսի 13-ին մեկնարկող ստուգատեսում Հայաստանը մեկ ներկայացուցիչ ունի. 60 կգ քաշային կարգում հանդես կգա 20-ամյա Աշիկ Անդրեյանը:
Հայ մարզիկը պայքարը կսկսի 1/8 եզրափակիչից, որտեղ կմրցի Պանամերիկյան խաղերի կրկնակի հաղթող, բրազիլացի Միշել Ավգուստոյի դեմ: Հաղթելու դեպքում Անդրեյանը քառորդ եզրափակիչում կարող է հանդիպել աշխարհի ու Եվրոպայի չեմպիոն, վրացի Գեորգի Սարդալաշվիլիին:
