Հայաստանի չեմպիոն ու գավաթակիր «Ուրարտուի» Ֆուտբոլի զարգացման գծով փոխտնօրեն է նշանակվել լեգենդար ֆուտբոլիստ և վաստակավոր մարզիչ Էդուարդ Մարկարովը, հաղորդում է ակումբի մամուլի ծառայությունը։
Էդուարդ Մարկարովը «Արարատ-73»-ի լեգենդար ֆուտբոլիստներից է, երևանյան ակումբի կազմում դարձել է ԽՍՀՄ չեմպիոն ու արծաթե մեդալակիր, 2 անգամ էլ՝ գավաթակիր:
2021 թվականի ապրիլից նա զբաղեցրել է «Նոա» ֆուտբոլային ակումբի նախագահի խորհրդականի պաշտոնը։
2022 թվականի գարնանը «Ուրարտու» ֆուտբոլային ակումբի թանգարանում բացվել է լեգենդար ֆուտբոլիստին նվիրված անկյուն։
