Սերբիայի չեմպիոն «Ցրվենա Զվեզդան», որի կազմում հանդես է գալիս Հայաստանի ազգային հավաքականի պաշտպան Նաիր Թիկնիզյանը, պարտվեց Եվրոպա լիգայի Լիգայի փուլի երկրորդ խաղն անընդմեջ:
Բելգրադը ներկայացնող թիմը երրորդ տուրում հյուրընկալվելիս 0-2 հաշվով պարտություն կրեց պորտուգալական «Բրագայից»: Թիկնիզյանը մասնակցեց ամբողջ հանդիպմանը:
«Բրագան» երրորդ հաղթանակից հետո 9 միավորով առաջին տեղում է, «Ցրվենա Զվեզդան»` 1 միավորով 30-րդ:
Երրորդ հաղթանակը տարավ նաև ֆրանսիական «Լիոնը»` այս անգամ էլ տանը 2-0 հաշվով առավելության հասնելով շվեյցարական «Բազելի» դեմ խաղում:
Անգլիական «Ասթոն Վիլան» հյուրընկալվելիս անսպասելիորեն 1-2 հաշվով պարտվեց նիդերլանդական «Գոու Ըհեդ Իգլզին»: Բիրմինգհեմի թիմը 6 միավորով 6-րդն է, «Գոու Ըհեդ Իգլզը» նույնքան միավոր ունի և 10-րդն է:
Եվրոպա լիգա, Լիգայի փուլ, երրորդ տուր
«Բրագա» (Պորտուգալիա) - «Ցրվենա Զվեզդա» (Սերբիա)` 2-0
Ֆրան Նավարո, 22, Մարիո Դորգելեշ, 72
«Լիոն» (Ֆրանսիա) - «Բազել» (Շվեյցարիա)` 2-0
Կորենտին Տոլիսո, 3, Աֆոնսո Մորեյրա, 90
«Գոու Ըհեդ Իգլզ» (Նիդերլանդներ) - «Ասթոն Վիլա» (Անգլիա)` 2-1
Մաթիս Սարայ, 42, Մաթս Դեյիլ, 61 - Էվան Գուեսան, 4
«Ստյաուա» (Ռումինիա) - «Բոլոնիա» (Իտալիա)` 1-2
«Ֆեներբահչե» (Թուրքիա) - «Շտուտգարտ» (Գերմանիա)` 1-0
«Զալցբուրգ» (Ավստրիա) - «Ֆերենցվարոշ» (Հունգարիա)` 2-3
«Գենկ» (Բելգիա) - «Բետիս» (Իսպանիա)` 0-0
«Բրան» (Նորվեգիա) - «Ռեյնջերս» (Շոտլանդիա)` 3-0
Եվրոպա լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
