Սերբիայի չեմպիոն «Ցրվենա Զվեզդան», որի կազմում հանդես է գալիս Հայաստանի ազգային հավաքականի պաշտպան Նաիր Թիկնիզյանը, ՈՒԵՖԱ-ի Եվրոպա լիգայի Լիգայի փուլի երկրորդ տուրում հյուրընկալվելիս 1-2 հաշվով պարտվեց պորտուգալական «Պորտուին»: Տանտերերը հաղթական գոլը խփեցին 89-րդ րոպեին:
Թիկնիզյանը խաղադաշտ դուրս եկավ մեկնարկից, 68-րդ րոպեին դեղին քարտ ստացավ, իսկ 82-րդ րոպեին փոխաարինվեց:
«Ցրվենա Զվեզդան» 1 միավորով 26-րդն է, «Պորտուն» 6 միավորով առաջատարների շարքում է:
Ֆրանսիական «Լիոնը» ևս երկրորդ հաղթանակը տարավ՝ այս անգամ տանը երկու անպատասխան գնդակ ուղարկելով ավստրիական «Զալցբուրգի» դարպասը: «Լիոնը» 6 միավորով առաջատարների շարքում է:
Անգլիական «Նոթինգհեմ Ֆորեսթը» տանը 2-3 հաշվով անսպասելիորեն պարտվեց դանիական «Միդտյուլանին»: Դանիական թիմը ևս 6 միավորով առաջատարների շարքում է:
Անգլիական «Ասթոն Վիլան» ևս երկրորդ հաղթանակը տարավ. Ունայ Էմերիի թիմը հյուրընկալվելիս 2-0 հաշվով առավելության հասավ «Ֆեյենորդի» դեմ խաղում:
Եվրոպա լիգա, Լիգայի փուլ, երկրորդ տուր
«Պորտու» (Պորտուգալիա) - «Ցրվենա Զվեզդա» (Սերբիա)` 2-1
Ուիլյամ Գոմես, 8 (11մ), Ռոդրիգո Մորա, 89 - Վասիլյե Կոստով, 32
«Լիոն» (Ֆրանսիա) - «Զալցբուրգ» (Ավստրիա)` 2-0
Մարտին Սատրիանո, 11, Ռուբեն Կլյուվերտ, 57
«Նոթինգհեմ Ֆորեսթ» (Անգլիա) - «Միդտյուլան» (Դանիա)` 2-3
«Շտուրմ» (Ավստրիա) - «Ռեյնջերս» (Շոտլանդիա)` 2-1
«Սելտա» (Իսպանիա) - ՊԱՕԿ (Հունաստան)` 3-1
«Ֆեյենորդ» (Նիդերլանդներ) - «Ասթոն Վիլա» (Անգլիա)` 0-2
Էմիլիանո Բուենդիա, 61, Ջոն Մաքգին, 79
«Մաքաբի Թել-Ավիվ» (Իսրայել) - «Դինամո Զագրեբ» (Խորվաթիա)` 1-3
«Գենկ» (Բելգիա) - «Ֆերենցվարոշ» (Հունգարիա)` 0-1
«Բազել» (Շվեյցարիա) - «Շտուտգարտ» (Գերմանիա)` 2-0
Եվրոպա լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
Կարդացեք նաև`
