Ապրիլի 14-19-ը Երևանի «Միկա» մարզադահլիճում կկայանա «Երևանի քաղաքապետի գավաթ» բռնցքամարտի մեծահասակների միջազգային մրցաշարը, հաղորդում է ՀԲՖ մամուլի ծառայությունը:
Այս մրցաշարն առաջին անգամ ներառվել է Բռնցքամարտի Եվրոպայի կոնֆեդերացիայի (EUBC) պաշտոնական մրցաշարային օրացույցում։ Մրցաշարին կմասնակցեն Հայաստանի, Կիպրոսի, Իսրայելի, Ռուսաստանի, Ղազախստանի, Վրաստանի, Իրանի, Իրաքի, Պաղեստինի և Մոլդովայի ներկայացուցիչները։
Հայաստանի հավաքականը մրցաշարին կմասնակցի մեծաքանակ թիմով՝ ավելի քան 30 բռնցքամարտիկով:
