Մյունխենի «Բավարիայի» պաշտպան Էրիկ Դայերը մրցաշրջանի ավարտից հետո կհեռանա ակումբից, հայտնում է գերմանական գրանդի մամուլի ծառայությունը:
«Ռեկորդմեյստերի» ղեկավարությունը պայմանագրի երկարաձգման շուրջ բանակցություններ էր վարում 31-ամյա անգլիացու հետ, սակայն ֆուտբոլիստը որոշել է կարիերան այլ տեղ շարունակել:
Ավելի վաղ հայտնի էր դարձել, որ Դայերը 2 տարվա պայմանագիր է համաձայնեցրել ֆրանսիական «Մոնակոյի» հետ:
Ընթացիկ մրցաշրջանում Էրիկ Դայերը «Բավարիայի» կազմում անցկացրել է 25 հանդիպում, խփել է 2 գոլ, կատարել 1 ասիստ:
