Խորվաթիայում ընթացող բռնցքամարտի Եվրոպայի երիտասարդական առաջնությունում Հայաստանի ներկայացուցիչներ Դավիթ Սիմոնյանն ու Միսակ Տեպանյանը դուրս են եկել կիսաեզրափակիչ և ապահովել առնվազն բրոնզե մեդալ։
Եվրոպայի գործող չեմպիոն Դավիթ Սիմոնյանը (92 կգ) քառորդ եզրափակիչում 4-1 հաշվով հաղթեց Ահարոն Կորոնային (Իտալիա), իսկ Տեպանյանը (+92 կգ) 5:0 հաշվով առավելության հասավ սլովակ Սեբաստիան Սալոմոնի նկատմամբ։
Հիշեցնենք, Հայաստանի առաջին մեդալն ապահովել էր 54 կգ քաշային Լուսիա Ավետիսյանը, որը նույնպես դուրս է եկել կիսաեզրափակիչ։
Եվրոպայի երիտասարդական առաջնության կանանց պայքարում Հայաստանը մասնակցում է 3, իսկ տղամարդկանց պայքարում՝ 13 բռնցքամարտիկով:
