Նիդերլանդների հավաքականի կիսապաշտպան Տեն Կոպմեյներսը բաց թողնի Եվրոպայի առաջնությունը, տեղեկացնում է ազգային թիմի մամուլի ծառայությունը։

Իտալական «Ատալանտայի» ֆուտբոլիստը վնասվածք է ստացել հունիսի 10-ին կայացած Նիդերլանդներ - Իսլանդիա (4-0) ընկերական հանդիպման նախախաղային մարզման ժամանակ:

Ավելի վաղ հայտնի էր դարձել, որ վնասվածքից չի հասցնի ապաքինվել կատալոնական «Բարսելոնայի» ու Նիդերլանդների հավաքականի կիսապաշտպան Ֆրենկի դե Յոնգը:

Ռոնալդ Կումանի գլխավորած թիմը Եվրո-2024-ում առաջին խաղը կանցկացնի հունիսի 16-ին և կմրցի Լեհաստանի հավաքականի հետ: D խմբում ընդգրկված են նաև Ֆրանսիայի ու Ավստրիայի հավաքականները։