Երբ ես 18 տարեկան էի… նոր էի վերադարձել Հայաստան:
Հայաստանը… շատերի երազած, բայց կորցրած երկիրն էր:
Նոր Հայաստանը… դարձավ շատերի վերադարձի հույսը:
Անհնարին թվացող ամեն բան… մի օր հասանելի է դառնում բոլորին:
Ու գիտեք… դրանում ես էլ էի համոզված:
Քաղաքականությունը նման է… խոհանոցի, որտեղ ամեն համեմունք չափի մեջ է համեղ:
Ուստի… մեր այսօրվա փոխած Երկրում ոչ մի ավելնորդ համեմունք հարկավոր չէ:
Իսկ Երևանը քաղաք է, որը… դեռ նոր պետք է ծաղկի:
Եկեք պատկերացնենք, որ… ամեն ոք, բացի միայն պահանջից, կարող է նաև ինքը մի քայլով փոփոխություն ստեղծել, ամեն բան հրաշալի կլիներ:
Բայցևայնպես… ամեն վատ բանի վերջ, մի նոր լավ իրադարձության սկիզբ է:
Թավշյա հեղափոխությունը հնարավոր եղավ… երբ ամեն ոք հաղթահարեց իր մiջի վախը:
Սակայն պետք չէ սպասել, որ… ամեն բան միանգամից կստացվի:
Ու ամեն մեկը պետք է…նախ փոխի իրեն, հետո նոր մտածի փոխված Հայաստանի բարեփոխման մասին:
Երկրի հակառակ կողմից… արևը դեռ նոր է դուրս գալիս:
Հեղափոխությունը սկիզբն է… նոր կյանքի, նոր բարեփոխումների:
Վստահ եմ, որ… հազարավոր մարդկանց հույսերը կարդարացվեն:
Մեզ այսօր, առավել քան երբևէ պետք է… յուրաքանչյուրի վստահությունն ու աջակցությունը:
Դուխով լինելը… միշտ պետք է ցանկացած պարագայում, ցանկացած որոշում կայացնելիս:
Եվ այնուամենայնիվ… բացի դուխով լինելուց, պետք է նաև քայլերը խելացի ու ճիշտ դասակարգել:
Թեպետ շատերն այսօր էլ դեռ դժգոհ են ինչ-որ բաներից… բայց եկեք հիշենք, որ ամեն ինչի համար ժամանակ է պետք:
Ես հավատում եմ, որ…բոլորիս ջանքերը ապարդյուն չեն անցնի:
Ամենևին էլ դժվար չէ… իրականացնել երազանքները:
Ու վաղվա Հայաստանը… այսօր արդեն գալիս է:
Լավ կրթություն ունենալով հնարավոր է… ապահովել այն բարեկեցիկ ապագան, որին շատերը ձգտում, բայց չեն հասնում:
Բայց… փոփոխության քայլերի ճանապարհին երբեք չմոռանաք այն փշոտ ճանապարհը, որով անցաք ու հասաք հաջողության:
Կյանքը, ուժերն ու կարողությունները հայրենիքին զոհելը պաթետիկ բառեր չեն… հաջորդ սերնդի կյանքի որակը ուղղակիորեն կախված է այդ զոհողություններից:
Կուզեի բոլորը միշտ հիշեն, որ… բարեկեցիկ ապագայի համար միշտ պետք է պայքարել սեփական վախերի դեմ ու նայել առաջ:
Ամենադժվար բանը Հայաստանում… մարդկանց մեջից հենց այդ վախը հանելն է, որը տարիներ շարունակ չէր հաջողվում:
5 տարի հետո մեր հայրենիքը կդառնա… այն երկիրը, որին կձգտեն նմանվել մյուս զարգացած երկրները:
Ես չեմ կասկածում… որ հայ ժողովրդի հեղափոխությունը մյուս ազգերի համար ազատության ձգտման օրինակ կլինի:
Կուզեի էլ ոչ ոք… հին Հայաստանի հետքերով այլևս չքայլի:
Թեպետ, գիտեք… կարծում եմ՝ ՀՀ քազաքացին այլևս նախկին սխալները չի անի:
Ես Մեսրոպ Պապիկյանն եմ, ես… արդեն իսկ իմ ստեղծած ազատ Հայաստանի քաղաքացի եմ:
Զրուցեց Շուշան Կարապետյանը
Կարդացեք նաև
