Ֆուտբոլի աշխարհի 2026թ. առաջնության խմբային փուլի վիճակահանությունը կկայանա 2025թ. դեկտեմբերի 5-ին, գրում է ESPN-ը։

Միջոցառումը տեղի կունենա ԱՄՆ-ի Լաս Վեգաս քաղաքում և, մեծ հավանականությամբ, կանցկացվի 17 հազար հանդիսական տեղավորող հանրահայտ «Սֆեր» օվալաձև շենքի դահլիճում։

Վիճակահանության ընթացքում կձևավորվի խմբերի նախնական տեսքը, քանի որ այդ պահին դեռ հայտնի չեն լինի մրցաշարի բոլոր մասնակիցները։ Աշխարհի առաջնության միջմայրցամաքային անցումային հանդիպումները կանցկացվեն 2026թ. մարտին։

ԱԱ-2026-ը տեղի կունենա 2026թ. հունիսի 11-ից հուլիսի 19-ը ԱՄՆ-ում, Մեքսիկայում և Կանադայում։ Մրցաշարին առաջին անգամ կմասնակցի 48 հավաքական։