Ֆրանսիական Pathé կինոընկերությունը հրապարակել է «Երեք հրացանակիրները» («The Three Musketeers») ֆիլմի թրեյլերը:
Պրեմիերան նախատեսված է 2023 թվականի ապրիլի 5-ին։
«Լուվրից մինչև Բուքինգհեմյան պալատ, Փարիզի կոյուղիներից մինչև Լա Ռոշելի պաշարում … Կրոնական պատերազմներով և բրիտանական ներխուժման սպառնալիքի տակ գտնվող թագավորությունում տղամարդիկ և կանայք խաչում են սրերը և կապում իրենց ճակատագիրը Ֆրանսիայի հետ»,- ասվում է նախագծի բնութագրում:
Ֆիլմում նկարահանվել են Եվա Գրինը (Միլեդի), Վենսան Կասելը (Ատոս), Վիկի Կրիպսը, Լինա Քոուդրին, Ռոմեն Դյուրիսը, Պիո Մարմային և Ֆրանսուա Սիվիլը: Ֆիլմի ռեժիսորն է Մարտեն Բուրբուլոնը:
2023 թվականի դեկտեմբերին կթողարկվի պատմության երկրորդ մասը՝ «Երեք հրացանակիրները. Միլեդի» վերնագրով, որին կհաջորդի երկու սփին-օֆֆ Disney+-ում:
Երեք հրացանակիրների մասին առաջին ֆիլմը թողարկվել է 1921 թվականին։ Pathé կինոընկերությունը նույնպես նպաստել է խորհրդանշական ֆիլմի ստեղծմանը։
