ՈւԵՖԱ-ի մամուլի ծառայությունը ներկայացրել է նախորդ մրցաշրջանի Եվրոպայի լավագույն ֆուտբոլիստի կոչման հավակնորդներին:
Եզրափակիչ եռյակում ընդգրկվել են Մադրիդի «Ռեալի» և Ֆրանսիայի հավաքականի հարձակվող Կարիմ Բենզեման, նրա ակումբակից, բելգիացի դարպասապահ Տիբո Կուրտուան և անգլիական «Մանչեսթեր Սիթիի» և Բելգիայի հավաքականի կիսապաշտպան Կևին դե Բրույնեն։
🥇 Karim Benzema, Thibaut Courtois or Kevin De Bruyne?
— UEFA (@UEFA) August 12, 2022
These are the three nominees for the 2021/22 UEFA Men’s Player of the Year award. The winner will be announced at the 2022/23 #UCL group stage draw ceremony on 25 August!
Full story and how voting works: ⬇️#UEFAawards
Հատկանշական է, որ ՈւԵՖԱ-ի հրապարակած մրցաշրջանի լավագույն ֆուտբոլիստների թոփ-15-ում տեղ չի գտել «Ոսկե գնդակի» 7-ակի դափնեկիր, ՊՍԺ-ի և Արգենտինայի հավաքականի հարձակվող Լիոնել Մեսին:
Լավագույն եռյակին հաջորդող ֆուտբոլիստները ստորև.
4. Ռոբերտ Լևանդովսկի («Բավարիա»/«Բարսելոնա», Լեհաստան)
5. Լուկա Մոդրիչ («Ռեալ», Խորվաթիա)
6. Սադիո Մանե («Լիվերպուլ» / «Բավարիա», Սենեգալ)
7. Մոհամեդ Սալահ («Լիվերպուլ», Եգիպտոս)
8. Կիլիան Մբապե (ՊՍԺ, Ֆրանսիա)
9. Վինիսիուս Ժունիոր («Ռեալ», Բրազիլիա)
10. Վիրջիլ վան Դեյկ («Լիվերպուլ», Նիդեռլանդներ)
11. Բերնարդու Սիլվա («Մանչեսթեր Սիթի», Պորտուգալիա)
12. Ֆիլիպ Կոստիչ («Այնտրախտ»/«Յուվենտուս», Սերբիա)
13. Լորենցո Պելեգրինի («Ռոմա», Իտալիա)
14. Տրենտ Ալեքսանդր-Առնոլդ («Լիվերպուլ», Անգլիա)
15. Ֆաբինյո («Լիվերպուլ», Բրազիլիա)
Հիշեցնենք, որ Չեմպիոնների լիգայի նախորդ խաղարկությունում հաղթել էր «Ռեալը»:
Հաղթողի անունը հայտնի կդառնա օգոստոսի 25-ին։ Նախորդ տարի մրցանակը ստացել էր Լոնդոնի «Չելսիի» և Իտալիայի հավաքականի կիսապաշտպան Ժորժինյոն։
