2024թ․ ֆուտբոլի Եվրոպայի առաջնության ընտրական մրցաշարի մեկնարկային տուրում Ֆրանսիայի հավաքականը B խմբում ընդունեց Նիդերլանդների թիմին ու վստահ հաղթանակ տարավ 4-0 հաշվով:

Դուբլի հեղինակ դարձավ Փարիզի ՊՍԺ-ի ռմբարկու Կիլիան Մբապեն, մեկակկան գոլ խփեցին Մադրիդի «Աթլետիկոյի» հարձակվող Անտուան Գրիզմանը և Մյունխենի «Բավարիայի» պաշտպան Դայո Ուպամեկանոն: 

Խաղավերջում հյուրերի կազմում 11-մետրանոց նշակետից վրիպեց Մադրիդի «Աթլետիկոյի» հարձակվող Մեմֆիս Դեպայը:

24-ամյա Մբապեն 38-րդ գոլով դարձավ Ֆրանսիայի հավաքականի պատմության 5-րդ լավագույն ռմբարկուն՝ շրջանցելով Մադրիդի «Ռեալի» ավագ Կարիմ Բենզեմային (37 գոլ)։ Ազգային թիմում ավելի շատ գոլ խփել են միայն իտալական «Միլանի» հարձակվող Օլիվյե Ժիրուն է (53 գոլ), Թիերի Անրին (51 գոլ), Անտուան Գրիզմանը (43 գոլ) և Միշել Պլատինին (41 գոլ)։

Խմբի մյուս խաղում Հունաստանի հավաքականը 3 անպատասխան գնդակ ուղարկեց Ջիբրալթարի դարպասը:

F խմբում Բելգիայի հավաքականը հյուրընկալվելիս 3-0 հաշվով հաղթեց շվեդներին: Հեթ-տրիկի հեղինակ դարձավ Միլանի «Ինտերի» հարձակվող Ռոմելու Լուկակուն: Խմբի մյուս խաղում Ավստրիայի հավաքականը շանս չտվեց ադրբեջանցիներին՝ 4-1։

Եվրո-2024-ի ընտրական փուլ, առաջին տուր

 

B խումբ

Ֆրանսիա - Նիդերլանդներ՝ 4-0

Անտուան Գրիզման, 3, Դայո Ուպամեկանո, 8, Կիլիան Մբապե, 22, 88

11-մետրանոցից վրիպում՝ Մեմֆիս Դեպայ, 90+5 (Նիդերլանդներ)

Ջիբրալթար - Հունաստան՝ 0-3

Գիորգիոս Մասուրաս, 12, Մանոլիս Սիոպիս, 45, Անաստասիոս Բակասետաս, 58

F խումբ

Շվեդիա - Բելգիա՝ 0-3

Ռոմելու Լուկակու, 36, 49, 83

Ավստրիա - Ադրբեջան՝ 4-1

Մարսել Զաբիտցեր, 28, 50, Միխայել Գրիգորիչ, 30, Քրիստոֆեր ԲԱումգարտներ, 69 - Էմին Մահմուդով, 64

E խումբ

Չեխիա - Լեհաստան՝ 3-1

Լադիսլավ Կրեյչի, 1, Տոմաշ Չվանչարա, 3, Յան Կուխտա, 64 - Դամիան Շիմանսկի, 87

Մոլդովա - Ֆարերյան կղզիներ՝ 1-1

Իոան Նիկոլաեսկու, 86 - Մադս Միկելսեն, 28

G խումբ

Բուլղարիա - Չեռնոգորիա՝ 0-1 (տեսանյութ)

Նիկոլա Կրստովիչ, 70

Սերբիա - Լիտվա՝ 2-0

Դուշան Տադիչ, 16, Դուշան Վլախովիչ, 53