Եվրոպայի 2024թ. առաջնության ընտրական մրցաշարում մարտի 26-ին կայացան երկրորդ տուրի առաջին խաղային օրվա հանդիպումները։

Եվրոպայի գործող հաղթող Իտալիայի հավաքականը C խմբում հյուրընկալվեց Մալթայի թիմին և հաղթեց 2-0 հաշվով: Երկրորդ խաղում անընդմեջ գոլ խփեց Իտալիայի հավաքականի նորեկ, արգենտինական «Տիգրեի» հարձակվող Մատեո Ռետեգին, աչքի ընկավ նաև իտալական «Մոնցայի» կիսապաշտպան Մատեո Պեսինան:

Ռետեգին գոլով է աչքի ընկնում Իտալիայի հավաքականի կազմում անցկացրած իր առաջին երկու պաշտոնական խաղում, ինչը նախորդ անգամ հաջողվել էր «Միլանի» լեգենդ Պիերինո Պրատիին, որը 1968 թվականի ապրիլի 6-ին և 20-ին գրավել էր Բուլղարիայի հավաքականի դարպասը: Պրատիի ցուցանիշը ոչ ոք չէր կարողացել կրկնել 55 տարի: 

Այս խմբի մյուս խաղում Անգլիայի հավաքականը 2-0 հաշվով հաղթել էր Ուկրաինայի թիմին:

J խմբում Պորտուգալիայի հավաքականը հյուրընկալվելիս 6 անպատասխան գնդակ ուղարկեց Լյուքսեմբուրգի թիմի դարպասը:

Դուբլի հեղինակ դարձավ Սաուդյան Արաբիայի «Ալ Նասրի» հարձակվող Կրիշտիանու Ռոնալդուն, մեկական գոլով աչքի ընկան Լոնդոնի «Չելսիի» նորեկ Ժոաու Ֆելիշը, անգլիական «Մանչեսթեր Սիթիի» կիսապաշտպան Բեռնարդու Սիլվան, «Պորտուի» կիսապաշտպան Օտավիուն և իտալական «Միլանի» հարձակվող Ռաֆայել Լեաուն, որը նաև վրիպեց 11-մետրանոցից։

38-ամյա Ռոնալդուն ազգային թիմի կազմում դուբլի հեղինակ է դառնում երկրորդ խաղում անընդմեջ: Մարտի 23-ին նա երկու գնդակ էր ուղարկել Լիխտենշտայնի հավաքականի դարպասը (4-0):

Խմբի մյուս խաղում Սլովակիայի հավաքականը սեփական խաղադաշտում 2-0 հաշվով առավելության հասավ Բոսնիա և Հերցեգովինայի թիմի նկատմամբ:

H խմբում Ֆինլանդիայի հավաքականը հյուրընկալվելիս 1-0 հաշվով հաղթեց Հյուսիսային Իռլանդիայի թիմին:

Եվրո-2024, ընտրական փուլ, երկրորդ տուր

C խումբ

Մալթա - Իտալիա՝ 0-2 (տեսանյութ)

Մատեո Ռետեգի, 15, Մատեո Պեսինա, 27

Անգլիա - Ուկրաինա՝ 2-0 (տեսանյութ)

Հարի Քեյն, 37, Բուկայո Սակա, 40

J խումբ

Լյուքսեմբուրգ - Պորտուգալիա՝ 0-6 (տեսանյութ)

Կրիշտիանու Ռոնալդու, 9, 31, Ժոաու Ֆելիշ, 15, Բեռնարդու Սիլվա, 18, Օտավիու, 77, Ռաֆայել Լեաու, 89

11-մետրանոցից վրիպում՝ Ռաֆայել Լեաու, 85 (Պորտուգալիա)

Լիխտենշտայն - Իսլանդիա՝ 0-7 (տեսանյութ)

Դավիդ Օլաֆսոն, 3, Հակոն Հարալդսոն, 38, Արոն Գունարսոն, 48, 68, 73 (11մ.), Անդրի Գուդյոնսեն, 85, Միկայել Էլերտսոն, 87

Սլովակիա - Բոսնիա և Հերցեգովինա՝ 2-0 (տեսանյութ)

Ռոբերտ Մակ, 13, Լուկաս Հարասլին, 40

H խումբ

Ղազախստան - Դանիա՝ 3-2 (տեսանյութ)

Բախտիեր Զայնուտդինով, 73 (11մ.), Բախտիեր Զայնուտդինով, 73, Աբատ Այմբետով, 89 - Ռասմուս Հոյլունդ, 21, 36

Հեռացում՝ Աբատ Այմբետով, 90+6 (Ղազախստան)

Սլովենիա - Սան Մարինո՝ 2-0 (տեսանյութ)

Բենյամին Շեշկո, 57, Ռոբերտո դի Մարիո, 60 (ինքնագոլ)

Հյուսիսային Իռլանդիա - Ֆինլանդիա՝ 0-1 (տեսանյութ)

Բենջամին Կալման, 28