Գերմանիայում ընթացող ֆուտբոլի Եվրոպայի 17-րդ առաջնությունում հունիսի 23-ին կմեկնարկի խմբային փուլի երրորդ տուրը: Բոլոր խմբերում եզրափակիչ տուրի երկու խաղերը կանցկացվեն նույն ժամին:

Տուրը կրկին կբացեն A խմբի հավաքականները: Փլեյ-օֆֆի ուղեգիր ապահոված գերմանացիները կմրցեն չորս միավորով երկրորդ տեղում գտնվող Շվեյցարիայի դեմ իսկ մյուս մրցավեճում կհանդիպեն Շոտլանդիայի և Հունգարիայի հավաքականները: Շոտլանդացիները մեկ միավոր ունեն, Հունգարիան առանց միավորի է:

Հիշեցնենք, որ փլեյ-օֆֆ դուրս կգան նաև 6 խմբերում երրորդ տեղ գրաված հավաքականներից լավագույն արդյունքը գրանցած չորս ազգային թիմերը:

Եվրո-2024, խմբային փուլ, երրորդ տուր

A խումբ

• Շվեյցարիա - Գերմանիա՝ 23:00
• Շոտլանդիա - Հունգարիա՝ 23:00