Ֆուտզալի Հայաստանի ազգային հավաքականը Եվրոպայի 2026թ. առաջնության որակավորման հիմնական փուլի երրորդ տուրում Ավանի ակադեմիայում Ալբանիային 4-0 հաշվով հաղթելուց հետո 6-րդ խմբի առաջատարն է:
Այս տուրում Ղազախստանի հավաքականը հյուրընկալվելիս անսպասելիորեն 2-3 հաշվով պարտվել է Դանիային:
Ռուբեն Նազարեթյանի գլխավորած թիմը 7 միավոր ունի, Ղազախստանի հավաքականը` չորս, Ալբանիայի ու Դանիայի թիմերը` երեքական:
Հիշեցնենք, որ առաջին տեղը գրաված հավաքականները միանգամից կնվաճեն Եվրո-2026-ի ուղեգիր: Խմբերում երկրորդ տեղը զբաղեցրած լավագույն 8 հավաքականները հանդես կգան անցումային փլեյ-օֆֆում:
Հայաստանի հավաքականը փետրվարի 5-ին Տիրանայում կհյուրընկալվի Ալբանիայի թիմին:
