Եվրոպա լիգայի խմբային փուլի խմբային փուլի վերջին՝ 6-րդ տուրում «Մոնակոն» սեփական խաղադաշտում 4-1 հաշվով առավելության հասավ սերբական «Ցրվենա Զվեզդայի» նկատմամբ:

«Մոնակոյից» հեթ-տրիկի հեղինակ դարձավ գերմանացի հարձակվող Կևին Ֆոլանդը, իսկ սերբ պաշտպան Միլան Ռոդիչի հաշվին գրանցվեց ինքնագոլ: «Ցրվենա Զվեզդայից» աչքի ընկավ գաբոնցի կիսապաշտպան Գուելոր Կանգան:

«Մոնակոն» 10 միավորով երկրորդն է H խմբում և պայքարը կշարունակի 1/16 եզրափակիչում: «Ցրվենա Զվեզդան» 6 միավոր ունի և լքում է պայքարը:

E խմբում ընդգրկված անգլիական «Մանչեսթեր Յունայթեդն» արտագնա խաղում 1-0 հաշվով հաղթեց իսպանական «Ռեալ Սոսյեդադին»: Հանդիպման միակ գոլը խփեց արգենտինացի հարձակվող Ալեխանդրո Գարնաչոն:

15-ական միավոր հավաքած «Ռեալ Սոսյեդադն» ու «Մանչեսթեր Յունայթեդը» նվաճեցին փլեյ-օֆֆի ուղեգիր։ Իսպանական ակումբը գրավեց առաջին տեղը և պայքարը կշարունակի 1/8 եզրափակիչից, իսկ Էրիկ Տեն Հագի թիմը՝ 1/16 եզրափակիչից:

Եվրոպա լիգա, խմբային փուլ, 6-րդ տուր

H խումբ

«Մոնակո» (Ֆրանսիա) - «Ցրվենա Զվեզդա» (Սերբիա)՝ 4-1 (տեսանյութ)

Կևին Ֆոլանդ, 5, 27, Միլան Ռոդիչ, 50 (ինքնագոլ) - Գուելոր Կանգա, 54 (11մ)

«Տրաբզոնսպոր» (Թուրքիա) - «Ֆերենցվարոշ» (Հունգարիա)՝ 1-0

Անաստասիոս Բակասետաս, 7

E խումբ

«Ռեալ Սոսյեդադ» (Իսպանիա) - «Մանչեսթեր Յունայթեդ» (Անգլիա)՝ 0-1 (տեսանյութ)

Ալեխանդրո Գարնաչո, 17

«Շերիֆ» (Մոլդովա) - «Օմոնիա» (Կիպրոս)՝ 1-0

Ռաշիդ Ականբի, 88

F խումբ

«Միտյուլանդ» (Դանիա) - «Շտուրմ» (Ավստրիա)՝ 2-0

Անդերս Դրեյեր, 15, 72

«Ֆեյենորդ» (Նիդեռլանդներ) - «Լացիո» (Իտալիա)՝ 1-0

Սանտիագո Խիմենես, 64

Հեռացում՝ Լուկա Ռոմերո, 90+6 («Լացիո»)

G խումբ

«Օլիմպիակոս» (Հունաստան) - «Նանտ» (Ֆրանսիա)` 0-2

Մոստաֆա Մոհամեդ, 79, Լուդովիչ Բլաս, 90