Լիսաբոնի «Սպորտինգը» հետխաղյա 11-մետրանոցներով հաղթեց Անգլիայի Պրեմիեր լիգայի առաջատար Լոնդոնի «Արսենալին» ու դարձավ Եվրոպա լիգայի քառորդ եզրափակիչի վերջին մասնակիցը:

1/8 եզրափակիչի պատասխան խաղում պորտուգալական ակումբն արտագնա խաղում մրցեց «Արսենալի» հետ: Հիմնական ժամանակն ավարտվեց 1-1 հաշվով:

Տանտերերի շվեյցարացի կիսապաշտպան Գրանիտ Ջակայի՝ առաջին խաղակեսում խփած գոլին 62-րդ րոպեին խաղադաշտի կետրոնից կատարած տպավորիչ հարվածով պատասխանեց պորտուգալացի կիսապաշտպան Պեդրո Գոնսալվեշը։ Խաղը տեղափոխվեց լրացուցիչ ժամանակ, քանի որ առաջին հանդիպումն ավարտվել էր 2-2 հաշվով:

Լրացուցիչ ժամանակի 118-րդ րոպեին խաղադաշտից հեռացվեց լիսաբոնյան ակումբի ուրուգվայցի կիսապաշտպան Մանուել Ուգարտեն, սակայն հետխաղյա 11-մետրանոցների ժամանակ ավելի դիպուկ գտնվեցին հենց հյուրերը՝ 5-3: Հարվածաշարի ժամանակ միակ վրիպումը թույլ տվեց «Արսենալի» բրազիլացի հարձակվող Գաբրիել Մարտինելին։

Ավելի վաղ քառորդ եզրափակիչի ուղեգիր նվաճել էին անգլիական «Մանչեսթեր Յունայթեդը», իսպանական «Սևիլիան», Թուրինի «Յուվենտուսը, հոլանդական «Ֆեյենորդը», Լևերկուզենի «Բայերը», իտալական «Ռոման» և բելգիական «Ռոյալ Յունիոնը»

Եվրոպայի լիգայի 1/4 եզրափակիչի զույգերը որոշվելու են վիճակահանությամբ, որը կկայանա մարտի 17-ին Շվեյցարիայի Նիոն քաղաքում:

Հիշեցնենք, որ Եվրոպա լիգայի գործող հաղթողը Ֆրանկֆուրտի «Այնտրախտն» է, որն այս մրցաշրջանում խաղում էր Չեմպիոնների լիգայում և 1/8 եզրափակիչում պայքարը զիջեց իտալական «Նապոլիին» (0-3, 0-2):

Եվրոպա լիգա, 1/8 եզրափակիչ, պատասխան խաղեր

«Արսենալ» (Անգլիա) - «Սպորտինգ» (Պորտուգալիա)` 1-1 (11մ.՝ 3-5) (տեսանյութ)

Գրանիտ Ջակա, 19 - Պեդրու Գոնսալվեշ, 62

Հեռացում՝ Մանուել Ուգարտե, 118 («Սպորտինգ»)

«Ֆերենցվարոշ»  (Հունգարիա) - «Բայեր Լևերկուզեն» (Գերմանիա)` 0-2 (տեսանյութ)

Մուսա Դիաբի, 3, Ամին Ադլի, 81

«Ռոյալ Յունիոն» (Բելգիա) - «Ունիոն Բեռլին» (Գերմանիա)` 3-0 (տեսանյութ)

Տեդի Տեումա, 18, Լազար Ամանի, 63, Լոիկ Լապուսին, 90+4

Հեռացում՝ Յանիկ Հաբերեր, 80 («Ունիոն Բեռլին»)

«Ռեալ Սոսյեդադ» (Իսպանիա) - «Ռոմա» (Իտալիա)` 0-0 (տեսանյութ)

Հեռացում՝ Կառլոս Ֆերնանդես, 90+8 («Ռեալ Սոսյեդադ»)

«Բետիս» (Իսպանիա) - «Մանչեսթեր Յունայթեդ» (Անգլիա)՝ 0-1 (տեսանյութ)

Մարկուս Ռեշֆորդ, 56

«Ֆեներբահչե» (Թուրքիա) - «Սևիլիա» (Իսպանիա)՝ 1-0 (տեսանյութ)

Էներ Վալենսիա, 41 (11մ.)

«Ֆրայբուրգ» (Գերմանիա) - «Յուվենտուս» (Իտալիա)` 0-2 (տեսանյութ)

Դուշան Վլախովիչ, 45 (11մ.), Ֆեդերիկո Կիեզա, 90+5

Հեռացում՝ Մանուել Գուլդե, 44 («Ֆրայբուրգ»)

«Ֆեյենորդ» (Նիդերլանդներ) - «Շախտյոր» (Ուկրաինա)՝ 7-1 (տեսանյութ)

Սանտիագո Խիմենես, 9, Օրկուն Կոկչու, 24, 38 (11մ.), Օսամա Իդրիսի, 49, 60, Ալիրեզա Ջահանբախշ, 64, Դանիլո, 66 - Կևին Կելսի, 87