«Բավարիայի» հարձակվող Ռոբերտ Լևանդովսկին վերադարձել է թիմի մարզումներին: Մյունխենյան ակումբը հայտարարել է, որ 32-ամյա ֆուտբոլիստը առանց սահմանափակումների մասնակցել է գրեթե ամբողջ մարզմանը:
Լեհ ֆուտբոլիստը աջ ծնկի վնասվածքի պատճառով բաց էր թողել «Բավարիայի» 6 հանդիպում, այդ թվում ՊՍԺ-ի դեմ Չեմպիոնների լիգայի քառորդ եզրափակիչի խաղերը, որոնց արդյունքում գերմանական թիմը դուրս մնաց հետագա պայքարից:
Միաժամանակ նշվում է, որ կիսապաշտպաններ Սերժ Գնաբրին ու Կորենտեն Տոլիսոն նույնպես ապաքինվել են վնասվածքներից և սկսել են թեթև մարզումներ անցկացնել:
Լևանդովսկին Բունդեսլիգայի 25 խաղում 35 գոլ է խփել և ընթացիկ մրցաշրջանի Եվրոպային ամենաարդյունավետ ֆուտբոլիստն է:
