«Ինտերի» գլխավոր մարզչի օգնական Մասիմիլիանո Ֆարիսը կարծիք է հայտնել միլանյան ակումբի կիսապաշտպան Հենրիխ Մխիթարյանի մասին:

«Մխիթարյանը ֆանտաստիկ մարդ և մեծագույն ֆուտբոլիստ է: Հաճելի է հետևել, թե նա ինչպես է խաղում ու մարզվում»,- «Էմպոլի» դեմ հանդիպման հետխաղյա ասուլիսի ժամանակ ասել է Ֆարիսը:

Հատկանշական է, որ ասուլիսին ներկայացել է Մասիմիլիանոն, որովհետև «Ինտերի» գլխավոր մարզիչ Սիմոնե Ինձագին ձայնի հետ կապված խնդիր է ունեցել: Ֆարիսը 467 խաղ է անկացրել Ինձագիի օգնականի պաշտոնում: 

Հիշեցնենք, որ Իտալիայի ընթացիկ առաջնությունում Հենրիխ Մխիթարյանը մասնակցել է 30 խաղի, դարձել 2 գոլի ու 9 գոլային փոխանցման հեղինակ։