«Բարսելոնայի» հարձակվող Անսու Ֆատին մոտ է ազդրի վնասվածքից ապաքինվելուն՝ հայտնում է Marca-ն:
Աղբյուրի փոխանցմամբ՝ 19-ամյա իսպանացին շուտով կկարողանա վերսկսել մարզումներն ընդհանուր խմբում։
«Բարսելոնան» չի պատրաստվում արագացնել ֆուտբոլիստի ապաքինումը:
Սպասվում է, որ նա խաղադաշտ կվերադառնա Եվրոպա լիգայի քառորդ եզրափակիչի՝ Ֆրանկֆուրտի «Այնտրախտի» դեմ պատասխան հանդիպմանը (ապրիլի 14) կամ Իսպանիայի Լա լիգայի 32-րդ տուրի՝ «Կադիսի» դեմ խաղին (ապրիլի 17):
Ընթացիկ մրցաշրջանում Ֆատին «Բարսելոնայի» կազմում անցկացրած 10 խաղում դարձել է 5 գոլի և 1 գոլային փոխանցման հեղինակ։
Ֆուտբոլիստը վնասվածք է ստացել հունվարի 20-ին Իսպանիայի գավաթի խաղարկության 1/8 եզրափակիչի՝ «Ատլետիկի» դեմ խաղում (2:3):
