Թուրքական «Ֆեներբահչեն» մտադիր է ընթացիկ տրանսֆերային պատուհանին զգալիորեն ուժեղացնել հարձակման գիծը: 90 Min-ի հաղորդմամբ՝ Ստամբուլի թիմը ցանկանում է թիմ հրավիրել Ուրուգվայի հավաքականի հարձակվողներ Լուիս Սուարեսին և Էդինսոն Կավանիին:
2 հարձակվողն էլ այժմ ազատ գործակալի կարգավիճակում են: Սուարեսի նախորդ ակումբը Մադրիդի «Ատլետիկոն» էր, իսկ Կավանիինը՝ անգլիական «Մանչեսթեր Յունայթեդը»:
Ավելի վաղ հաղորդվում էր, որ Սուարեսը մոտ է արգենտինական «Ռիվեր Փլեյթ» տեղափոխվելուն, իսկ Կավանիի ծառայություններով հետաքրքրված է Ա Սերիայի նորեկ «Մոնցան»:
