«Բարսելոնայի» գլխավոր մարզիչ Հանսի Ֆլիկը խոսել է թիմի կիսապաշտպան Պեդրիի վնասվածքի մասին, գրում է ինսայդեր Ֆաբրիցիո Ռոմանոն։
«Պեդրիի վնասվածքն անակնկալ էր մեզ համար։ «Էլ Կլասիկոյից» հետո նա միայն թեթև ցավեր ուներ, բայց հետո բուժզննում անցավ, և պարզվեց` վնասվածք ունի։
Մենք կորցրել ենք մեր առանցքային խաղացողներից մեկին։ Հուսանք` նա շուտ շարք կվերադառնա»,- ասել է գերմանացի մասնագետը։
DAZN-ը հայտնում է, որ 22-ամյա ֆուտբոլիստի մկանային վնասվածքը սպասվածից լուրջ է. նա խաղադաշտից կբացակայի 6-7 շաբաթ։
Իսպանիայի Լա լիգայի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր մրցախաղերը հեռարձակվում են Fast TV հավելվածում (iOS, Android):
