Իտալացի թենիսիստ Ֆաբիո Ֆոնինին խոսել է Համբուրգի մրցաշարում իր կարիերայի 400-րդ հաղթանակը գրանցելու մասին:

«Չէի սպասում, որ կարող եմ նման նվաճման հասնել: Ես 35 տարեկան եմ, և հետ նայելով պետք է ասեմ, որ սա մեծ ձեռքբերում է ինձ համար: Իհարկե, ես երջանիկ եմ»,- Ֆոնինիի խոսքը մեջբերում է ATP-ի մամուլի ծառայությունը:

Գերմանիայի բաց առաջնության 1/16 եզրափակիչում Ֆաբիո Ֆոնինին 6:3, 3:6, 7:6 (7:5) հաշվով հաղթել է սովենացի թենիսիստ Ալյաժ Բեդենեին։ 1/8 եզրափակիչում Ֆոնինին կհանդիպի Ռուսաստանը ներկայացնող հայ թենիսիստ Կարեն Խաչանովին։ Հանդիպումը կկայանա հուլիսի 21-ին։