Forbes հեղինակավոր ամսագիրը անդրադարձել է Անդրկովկասյան այսպես կոչված արահետին (Transcaucasian Trail), որը ձգվում է Հայաստանից մինչև Վրաստան՝ սահմանի երկայնքով և կազմելով 1800 մղոն (2896կմ) երկարություն, բացահայտում է հայկական և վրացական մշակույթի ուշադրությանն արժանի տեսարժան վայրերը: Տարբեր երկրներից ժամանած արշավականները, մասնակցեելով այս հիանալի ծրագրին, կիսվել են իրենց տպավորություններով:
Արշավակաների համար սա հիանալի հնարավորություն է եղել զգալու ոչ միայն բնության գույներն ու ծանոթանալ լադշաֆտային առանձնահատկություներին, այլ նաև տեսնել տեղացիների հյուրընկալությունն ու ջերմությունը:
Երթուղին սկսելով Երևանից` արշավականները անցնել են Սևանա լճով, ապա շարունակել են ճանապարհը Կալավան, Գոշ քաղաքներով, ինչպես նաև «Դիլիջան ազգային պարկի» անտառներով՝ հայկական Շվեյցարիայով, ինչպես տեղացիներն են այն անվանում: Հաղարծինի վանական համալիրից մինչև Հաղպատ՝ դեպի հյուսիս վրացական սահման: Գիշերակացը՝ Դիլիջանի հյուրատներից մեկում՝ վայելելով տեղացիների ջերմությունն ու հյուրընկալությունը: Իսկ հայկական խոհանոցը անտարբեր չի թողել զբոսաշրջիկներին՝ իր թարմ թխած բուրավետ լավաշով, պանրի տեսակներով, բանջարեղենի բազմազանությամբ, ավանդական դոլմայով և այս ամենը եզրափակած հայկական ավանդական փախլավայով, սուրճութեյով:
Անդրկովկասյան ճանապարհը հրաշալի խթան է հայկական զբոսաշրջութունը զարգացնելու և Հայաստանի մասին ճանաչելիությունը էլ ավելի բարձրացնելու համար:
