Ելիսեյան պալատի խնդրանքով Ֆրանսիայի գավաթի խաղարկության արարողակարգը փոխվել է, հայտնում է RTL-ը:
Փոփոխությունները վերաբերում են պարգևատրման արարողության ընթացակարգին: Սովորաբար գավաթը շնորհվում է խաղադաշտում, սակայն Ֆրանսիայի նախագահ Էմանուել Մակրոնն այս անգամ հաղթողներին կպարգևատրի տրիբունայում:
Փոփոխության հնարավոր պատճառներից մեկը «Նանտի»՝ գավաթի խաղարկության եզրափակիչ դուրս գալուց հետո տեղի ունեցած միջադեպն է: Այդ ժամանակ երկրպագուները խաղի ավարտն ազդարարող սուլիչի ձայնից հետո ներխուժել էին խաղադաշտ:
Հիշեցնենք, որ «Նանտի» ու «Թուլուզի» միջև Ֆրանսիայի գավաթի խաղարկության եզրափակիչը կկայանա ապրիլի 29-ին և կմեկնարկի Երևանի ժամանակով 23:00-ին:
