Իտալիայի գավաթակիր Միլանի «Ինտերը» պայմանագիր է կնքել Ֆրանսիայի ազգային հավաքականի հարձակվող Մարկուս Թյուրամի հետ, հայտնում է ակումբի պաշտոնական կայքը:
25-ամյա ֆուտբոլիստը միլանյան գրանդը համալրել է ազատ գործակալի կարգավիճակում: Համաձայնագիրը նախատեսված է 4 տարով:
Մինչև Իտալիա տեղափոխվելը Թյուրամը պաշտպանում էր Մյոնխենգլադբախի «Բորուսիայի» գույները, որի կազմում անցկացրած 154 խաղում դարձել է 34 գոլի և 23 ասիստի հեղինակ:
Հիշեցնենք, որ Մարկուս Թյուրամը Ֆրանսիայի ազգային հավաքականի լեգենդար պաշտպան Լիլիան Թյուրամի որդին է:
