Ֆրանսիայի ազգային հավաքականի մրցակիցները ֆուտբոլի Եվրոպայի առաջնություններում 5 անգամ գրավել են սեփական դարպասը, հայտնում է Opta-ն:
Դա ռեկորդային ցուցանիշ է: Այդ ցուցանիշով ֆրանսիացիներին հաջորդում են Իսպանիայի և Նիդերլանդների հավաքականները: Իսպանացիների մրցակիցները չորս անգամ են գրավել սեփական դարպասը, նիդերլանդցիների մրցակիցները՝ երեք անգամ:
Ի դեպ, Ֆրանսիայի հավաքականը Եվրո-2024-ում երկրորդ խաղում հաղթեց մրցակցի ինքնագոլի շնորհիվ, առաջին մրցավեճն Ավստրիայի դեմ էր խմբային փուլի առաջին տուրում (1-0):
Աշխարհի առաջնություններում էլ Ֆրանսիայի հավաքականի մրցակիցները 6 անգամ են գրավել սեփական դարպասը:
Գերմանիայում ընթացող Եվրո-2024-ում մինչև այժմ գրանցվել է 9 ինքնագոլ:
Հիշեցնենք, որ աշխարհի փոխչեմպիոնը 1/8 եզրափակիչում 1-0 հաշվով հաղթանակ էր կորզել Բելգիայի հավաքականից, սեփական դարպասն էր գրավել պաշտպան Յան Ֆերտոնգենը: Դիդյե Դեշամի գլխավորած թիմը քառորդ եզրափակիչում կմրցի Պորտուգալիա - Սլովենիա զույգի հաղթողի դեմ:
