Ֆրանսիայի հավաքականի հարձակվող Օլիվյե Ժիրուն հայտարարել է, որ Եվրոպայի առաջնությունից հետո ավարտելու է միջազգային կարկերան:
«Կարոտելու եմ ազգային հավաքականը, բայց պետք է ճանապարհը զիջեմ ավելի երիտասարդներին»,- 37-ամյա ֆուտբոլիստի խոսքն է մեջբերում L’Equipe-ը:
Ժիրուն «եռագույների» կազմում է խաղում 2011 թվականից: Այս ընթացքում նա մասնակցել է 131 խաղի և ռեկորդային 57 գոլ խփել:
Ֆրանսիայի հավաքականի կազմում Ժիրուն դարձել է 2018 թվականի աշխարհի չեմպիոն և 2021 թվականի Ազգերի լիգայի գավաթակիր:
