Ֆորմուլա 1-ի վերջին չորս տարիների անփոփոխ չեմպիոն Մաքս Ֆերստապենը («Ռեդ Բուլ») հաղթել է Ճապոնիայի Գրան պրին։
Երկրորդը և երրորդը եզրագիծը հատել են «Մաքլարենի» պիլոտներ, համապատասխանաբար Լանդո Նորիսն ու Օսկար Պիաստրին։ «Սկուդերիա Ֆերարիից» Շառլ Լեկլերը չորրորդն էր, Ջորջ Ռասելը («Մերսեդես»)` 5-րդը, իսկ նրա թիմակից Կիմի Անտոնելին` 6-րդը, աշխարհի 7-ակի չեմպիոն Լյուիս Հեմիլթոնը («Սկուդերիա Ֆերարի»)` 7-րդը։
Ընդհանուր հաշվարկը 62 միավորով գլխավորում է Նորիսը, Ֆերստապենն ունի 61, իսկ Պիաստրին` 49 միավոր։
Կոնստրուկտորների գավաթում 111 միավորով առաջատարը «Մաքլարենն» է, որին հաջորդում են «Մերսեդեսը» (75) և «Ռեդ Բուլը» (61)։
Ֆորմուլա 1-ի հաջորդ Գրան պրին կկայանա ապրիլի 13-ին Բահրեյնում։
Ֆորմուլա 1-ը հեռարձակվում է «Ֆասթ Մեդիա»-ի հեռուստաալիքներով և Fast TV հավելվածում (iOS, Android):
IT'S MAX VERSTAPPEN IN JAPAN
— Formula 1 (@F1) April 6, 2025
P1. WHAT A DRIVE#F1 #JapaneseGP pic.twitter.com/q6wfq6f9qT
