Ֆուտբոլի երկրպագուների ասոցիացիան (FSA) աջակցել է Ֆուտբոլի երկրպագուների եվրոպական ասոցիացիային (FSE)՝ ՖԻՖԱ-ից պահանջելով դադարեցնել աշխարհի 2026 թվականի առաջնության տոմսերի վաճառքը, հաղորդում է BBC-ն:
«Մենք աջակցում ենք Ֆուտբոլի երկրպագուների եվրոպական ասոցիացիային (FSE)՝ տոմսերի վաճառքը դադարեցնելու պահանջով և կոչ ենք անում գործակցել այլ ասոցիացիաների հետ՝ այս ամոթալի գներն ուղղակիորեն վիճարկելու համար։
Մենք կոչ ենք անում բոլոր ազգային ասոցիացիաներին պաշտպանել իրենց երկրպագուների շահերը, առանց որոնց չէր լինի պրոֆեսիոնալ ֆուտբոլ։
Սա մրցաշար է, որը պետք է նշվի ամբողջ աշխարհում, որտեղ բոլոր ազգերի երկրպագուները հավաքվում են ֆուտբոլի սիրով։
ՖԻՖԱ-ն որոշել է ամեն ինչ անել գումարի և այն էլիտայի հետ, որոնք կարող են տոմսեր գնել։
ՖԻՖԱ-ի համար հավատարմությունը չի նշանակում, որ երկրպագուն հազարավոր մղոններ է ճանապարհորդում` որակավորման փուլում իր սիրելի հավաքականին աջակցելու համար։ Խաղը, որը պետք է լինի բոլորի համար, այժմ միայն նրանց համար է, ովքեր կարող են այդ թանկարժեք տոմսերը գնել։ Այս մրցաշարի կենսական նշանակությունը սպառվել է դեռևս չսկսված»,- հայտարարել է FSA-ն։
Տոմսերի գները զգալիորեն բարձր են` համեմատած նախորդ Մունդիալների հետ: Խմբային փուլի խաղերի տոմսերի գները տատանվում են 198-ից 523 ֆունտի, քառորդ եզրափակիչների տոմսերը՝ 507-ից 1073 ֆունտի, կիսաեզրափակիչների տոմսերը՝ 686-ից 2363 ֆունտի սահմաններում, իսկ եզրափակիչի տոմսերի գներն էլ սկսվում են 3119 ֆունտից:
Ավելի վաղ ՖԻՖԱ-ն հայտնել էր, որ աշխարհի 2026 թվականի առաջնության տոմսերի վաճառքի երրորդ փուլի մեկնարկի առաջին 24 ժամվա ընթացքում ավելի քան 200 երկրներից երկրպագուներ ներկայացրել են ավելի քան 5 միլիոն հայտ։
Հիշեցնենք, որ Մունդիալ-2026-ը կանցկացվի հունիսի 11-ից հուլիսի 19-ը Միացյալ Նահանգներում, Մեքսիկայում և Կանադայում: Առաջին անգամ մրցաշարին կմասնակցեն 48 երկրի ազգային հավաքականներ:
