Փարիզի ՊՍԺ-ի գլխավոր մարզիչ Քրիստոֆ Գալտյեի պաշտոնանկության հարցն առայժմ չի քննարկում:
RMC Sport տեղեկություններով, չնայած երեք անընդմեջ պարտությանը՝ ֆրանսիական ակումբի ղեկավարությունը որոշել է սպասել մինչև Մյունխենի «Բավարիայի» դեմ Չեմպիոնների լիգայի 1/8 եզրափակիչի պատասխան խաղը, որը կկայանա մարտի 8-ին:
Ակումբում կարծիքները կիսվել են. մի մասը ցանկանում է, որ 56-ամյա մասնագետի հեռացման դեպքում թիմը գլխավորի ֆրանսիացի Զինեդին Զիդանը, մյուս մասը կողմ է գերմանացի Թոմաս Տուխելի վերադարձին:
Հիշեցնենք, որ Քրիստոֆ Գալտյեն ՊՍԺ-ն գլխավորում է 2022 թվականի հուլիսից:
Լիգա 1-ի 23-րդ տուրից հետո Ֆրանսիայի գործող չեմպիոնը 54 միավորով առաջատարն է, իսկ Չեմպիոնների լիգայի 1/8 եզրափակիչի առաջին խաղում տանը նվազագույն հաշվով պարտվել է «Բավարիային»:
