UFC-ի մարտիկ Մատեուշ Գամրոտը սոցցանցերում հայտարարել է, որ ստացել է առաջարկ՝ դառնալու Արման Ծառուկյանի մրցակիցը։
Ավելի վաղ հայտնի էր դարձել, որ UFC-ի թեթև քաշային կարգի երկրորդ համար Ծառուկյանը սեպտեմբերի 19-ին Մոսկվայում կայանալիք ACBJJ 18 մրցաշարում կանցկացնի գրեփլինգի գոտեմարտ:
«Ինձ կրկին առաջարկեցին գրեփլինգի գոտեմարտ անցկացնել Արմանի հետ։ Մարդիկ ուզում են տեսնել մեր մրցակցությունը։ Բայց ինձ թվում է, որ մենք նախ պետք է մենամարտենք UFC-ում»,- գրել է Գամրոտը:
UFC-ի թեթև քաշային կարգում լեհ մարտիկը 8-րդ համարն է:
