«Վուլվերհեմփթոնը» գլխավոր մարզիչի պաշտոնից հեռացրել է անգլիացի մասնագետ Գարի Օ՛Նիլին, հայտնում է BBC-ն:
Անգլիական ակումբը դեռևս պաշտոնական հաղորդագրությամբ չի տեղեկացրել պաշտոնանկության մասին: Ավելի վաղ տեղեկություններ կային, որ «Իփսվիչ Թաունի» դեմ Պրեմիեր լիգայի 16-րդ տուրի տնային հանդիպումը 41-ամյա մասնագետի համար ճակատագրական կլինի։ «Վուլվզն» այդ խաղում պարտվել է 1-2 հաշվով:
Օ՛Նիլի գլխավորած թիմը 9 միավորով նախավերջին` 19-րդ տեղում է մրցաշարային աղյուսակում:
