Մեքսիկայի Գվադալահարա քաղաքում ավարտին մոտեցող ծանրամարտի աշխարհի երիտասարդական (Մ20) առաջնությունում Հայաստանի վերջին ներկայացուցիչ Գարիկ Կարապետյանը նվաճել է 102 կգ քաշային կարգի չեմպիոնի տիտղոսը։
Երկամարտում հայ ծանրորդը գրանցել է 378 կգ (175+203) արդյունք՝ փոքր ոսկե մեդալ նվաճելով նաև պոկում ու հրում վարժություններում։
Հայաստանի հավաքականը ելույթն ավարտել է երկամարտի երեք մեդալով։ Ավելի վաղ աշխարհի երիտասարդական չեմպիոն էին դարձել Ալեքսանդրա Գրիգորյանը (55 կգ) և Գոռ Սահակյանը (67 կգ), իսկ Մարտին Պողոսյանը (73 կգ) փոքր բրոնզե մեդալ էր նվաճել է հրում վարժությունում՝ երկամարտում գրավելով 5-րդ տեղը։
