Վրացի նախկին հանրահայտ ֆուտբոլիստ Գեորգի Դեմետրաձեն գնահատել է «Ռեալ Սոսյեդադի» կիսապաշտպան Արսեն Զախարյանի հեռանկարն ակումբում:
«Իմանոլ Ալգուասիլը շատ բան է արել «Սոսյեդադի» համար: Նրա հեռանալուց հետո դժվար է ասել, թե ինչ որոշում կկայացնի նոր մարզիչը: Ալգուասիլը վստահում էր Արսենին և խաղաժամանակ էր տրամադրում, իսկ նոր մասնագետը գիտի, որ Զախարյանը հաճախ է վնասվածք ստանում:
Չի բացառվում, որ նա ակումբին խնդրի վաճառել ֆուտբոլիստի տրանսֆերային իրավունքը»,- Դեմետրաձեի խոսքը մեջբերում է Чемпионат-ը:
Ավելի վաղ «Ռեալ Սոսյեդադի մամուլի ծառայության ղեկավար Խոն Անդեր Մունդուատեն հայտարարել էր, որ բասկյան ակումբը մեծ հույսեր է կապում Զախարյանի հետ:
