Լոնդոնի «Վեսթ Հեմը» 2029 թվականին կարող է ժամանակավորապես հարկադրված հեռանալ իր տնային մարզադաշտ «Լոնդոն Սթեդիումից» աթլետիկայի աշխարհի առաջնության պատճառով, հաղորդում է Goal-ը։
Մեծ Բրիտանիայի կառավարությունը պաշտոնապես հայտարարել է աթլետիկայի աշխարհի առաջնությունը հյուրընկալելու հայտի ֆինանսական աջակցության մասին՝ խոստանալով հատկացնել 35 միլիոն ֆունտ (մոտ 47 միլիոն դոլար)։
Լոնդոնի մարզադաշտը, որը կառուցվել էր որպես 2012 թվականի Օլիմպիական խաղերի գլխավոր մրցասպարեզ, պահպանում է աթլետիկայի մրցումներ անցկացնելու ենթակառուցվածքներ, թեպետ աթլետիկայի աշխարհի առաջնությունն ընդունելու համար նորոգումներն անխուսափելի են:
