Դմիտրի Գունկոն հեռացել է «Ուրարտուի» գլխավոր մարզչի պաշտոնից, հայտնում է ակումբի մամուլի ծառայությունը։
Գունկոն «Ուրարտուն» մարզում էր 2022թ. հունիսից։ Ակումբը նրա գլխավորությամբ 119 խաղում 66 հաղթանակ է տարել, գրանցել 22 ոչ-ոքի, կրել 31 պարտություն, դարձել Հայաստանի չեմպիոն ու գավաթակիր։
49-ամյա մասնագետը գլխավորել է Տուլայի «Արսենալը», հաղորդում է ռուսական ակումբի պաշտոնական կայքը։
Կողմերը պայմանագիր են ստորագրել, որի մանրամասները չեն հաղորդվում։
«Արսենալը» հաջորդ մրցաշրջանում հանդես կգա Ռուսաստանի երկրորդ լիգայում` ՖԱԼ-ում։