«Բարսելոնայի» գերմանացի կիսապաշտպան Իլկայ Գյունդողանը գնահատել է կատալոնական ակումբի շանսերը Չեմպիոնների լիգայի փլեյ-օֆֆում:
«Անկեղծ կլինեմ, ես այլ թիմերի եմ ֆավորիտ համարում, նրանք ավելի շատ հնարավորություններ ու փորձ ունեն: Բայց, եթե մենք դուրս գանք քառորդ եզրափակիչ, ապա հիանալի իրավիճակում կհայտնվենք:
Ո՞վ կարող էր սպասել, որ «Ինտերն» անցած տարի կհասնի եզրափակիչ: Ես իրատես եմ, բայց նաև հասկանում եմ, որ նման հաջողության հասնելը դժվար է բոլորի համար»,- Գյունդողանի խոսքը մեջբերում է Mundo Deportivo-ն։
Հիշեցնենք, որ Չեմպիոնների լիգայի 1/8 եզրափակիչի առաջին խաղում «Բարսելոնան» հյուրընկալվելու է Իտալիայի չեմպիոն «Նապոլիին»: Հանդիպումը կկայանա փետրվարի 21-ին:
