«Կաթիլ» ինդի ֆոլկ խումբը նոր երգ է թողարկել՝ «Հաց կթխեմ», որի հիման վրա նկարահանված հոլովակն արդեն համացանցում է:
Խումբը տեսահոլովակին կից գրել է․ «Սիրով ձեզ ենք ներկայացնում մեր նոր աշխատանքը: Այս անգամ «Կաթիլ»-ը Հաց է թխել ձեզ համար, որտեղ շաղախել է սեր ու բարեբերություն, հույս ու առատություն մեր հայրենիքի համար: Այս դժվար ժամանակներում «Կաթիլ»-ը ցանկացավ Հացով կիսվել, ինչպես բոլոր ժամանակներում, մենք չենք հրաժարվում հայրենիքի հետ ապրումակցելուց:
Թող այս երգը հույսով ու լույսով լցնի ձեր օջախները, հացը առատ լինի, տարին՝ պտղաբեր, երաշտ չլինի ո՛չ հոգու ,ո՛չ հողի: Կիսե՛ք մեր Հացը բոլորի հետ, և ձեր սրտի բարեմաղթանքը ուղղե՛ք ձեր հարազատներին:
Միասին հաղթահարենք բոլոր դժվարությունները:
Շնորհակալություն»:
Բառեր | Lyrics
Հաց կթխեմ, գարի ա,
Երի, երի, էրվա, օ՜յ, օ՜յ,
Էս ինչ ուրախ տարի ա,
Շեկո ջան, էրվա, օ՜յ, օ՜յ:
Կրակը թռավ քարից,
Երի, երի, էրվա, օ՜յ, օ՜յ,
Ես կմեռնեմ քո դարդից,
Շեկո ջան, էրվա, օ՜յ, օ՜յ:
Երեսիդ կարոտել եմ,
Երի, երի, էրվա, օ՜յ, օ՜յ,
Ոնց որ վարդ մանիշակին,
Շեկո ջան, էրվա, օ՜յ, օ՜յ:
Ծով ա դառե մեր դաշտը,
Երի, երի, էրվա, օ՜յ, օ՜յ,
Լիքը հաց ա մեր տաշտը,
Շեկո ջան, էրվա, օ՜յ, օ՜յ:
