Բրիտանացի բռնցքամարտիկ, WBC (2020-2024), IBF (2015), WBA (Super) (2015-2016), WBO (2015-2016), IBO (2015-2016) վարկածներով աշխարհի նախկին չեմպիոն Թայսոն Ֆյուրին հայտարարել է, որ հաջորդ տարի կվերադառնա ռինգ, հաղորդում է The Sun-ը:
- Արդյոք Ձեր վերադարձը բռնցքամարտ իրատեսակա՞ն է:
- Այո՛, իհարկե: Այս պահին ես բաց եմ առաջարկների համար: Այս տարի չեմ վերադառնա, դա փաստ է: Ես զբաղված եմ «Տանը Ֆյուրիների հետ» նախագծի երկրորդ եթերաշրջանի նկարահանումներով: Բայց հաջորդ տարի կվերադառնամ:
Ես երեք շաբաթից կդառնամ 37 տարեկան. կլինեմ այս բոլոր երիտասարդ տղաներից ամենատարեցը: Դժվար կլինի մրցել նրանց հետ, բայց վստահ եմ, որ դեռ կարող եմ մի քանի լավ երեկոներ անցկացնել:
2025թ. հունվարին Ֆյուրին հայտարարել էր պրոֆեսիոնալ բռնցքամարտից հեռանալու մասին: