Միջազգային օլիմպիական կոմիտեի պաշտոնական էջը տեսանյութ է հրապարակել` հիշեցնելով սպորտային մարմնամարզիկ Արթուր Դավթյանի օլիմպիական ուղին:
«Համառության պատմություն:
Պատմություն կերտելով իր երկրի համար և ապացուցելով, որ համբերությունը գլխավորն է:
Արթուր Դավթյանից պահանջվեցին երեք Օլիմպիական խաղեր՝ սպորտային մարմնամարզությունում Հայաստանի համար առաջին օլիմպիական մեդալը նվաճելու համար, իսկ չորրորդում՝ Փարիզ-2024-ում, նա բրոնզից անցավ արծաթե մեդալի։
Կհանդիպե՞նք Լոս Անջելես-2028-ում, Արթուր»,- գրված է ՄՕԿ-ի հրապարակման մեջ:
Հիշեցնենք, որ Դավթյանը նաև աշխարհի չեմպիոն է, Եվրոպայի առաջնությունների եռակի ոսկե մեդալակիր:
