Բասկետբոլի VBET Հայաստանի կանանց առաջնության փլեյ-օֆֆ փուլի երկրորդ խաղում «Հատիսը», 79։78 հաշվով հաղթելով «Արցախին», անցավ եզրափակիչ։

Բասկետբոլի հանրապետական ֆեդերացիայի տեղեկացմամբ՝ հանդիպման ամենաարդյունավետ խաղացողն էր Փեյթոն Թեյլորը, որը 35 միավոր բերեց «Հատիսին»։ Նա կատարել է նաև 6 արդյունավետ փոխանցում ու 12 անգամ տիրել է օղակից անդրադարձած գնդակին։

Կիսաեզրափակիչ շարքի առաջին խաղում «Հատիսը» հաղթել էր 90։50 հաշվով։

Եզրափակիչում «Հատիսի» մրցակիցն է լինելու «Գյումրի» - «Երևան Բասկետ» զույգի հաղթողը։ Առաջին խաղում 88։63 հաշվով հաղթել է մայրաքաղաքային ակումբը։