Իսպանիայի ազգային հավաքականի պաշտպան Դին Հաուսենը չի մասնակցի Վրաստանի դեմ աշխարհի 2026թ. առաջնության եվրոպական գոտու ընտրական մրցաշարի E խմբի 5-րդ տուրի հանդիպմանը, հայտնում է COPE-ն։
Մադրիդի «Ռեալի» ֆուտբոլիստը նախախաղային մարզման ժամանակ մկանային անհարմարություն է զգացել, ուստի «Ֆուրիա ռոխայի» մարզչական շտաբը որոշել է ռիսկի չդիմել։
Վրաստան - Իսպանիա հանդիպումը կկայանա նոյեմբերի 15-ին ու ժամը 20:45-ից կլինի «Ֆասթ Սպորտ»-ի ուղիղ եթերում։
ԱԱ-2026-ի եվրոպական գոտու ընտրական մրցաշարի հանդիպումները ցուցադրվում են «Ֆասթ Սպորտ» հեռուստաալիքների («Ֆասթ Սպորտ», «Ֆասթ Սպորտ 1», «Ֆասթ Սպորտ 2») ուղիղ եթերում: Բոլոր խաղերը հեռարձակվում են Fast TV հավելվածում (iOS, Android):
