Հայաստանի ներկայացուցիչ Լուսինե Սմբաթյանը բրոնզե մեդալակիր է դարձել Կիպրոսում կայացած բադմինտոնի մինչև 17 տարեկանների միջազգային մրցաշարում։
Զուգախաղում հայ մարզուհին երրորդ տեղն է գրավել գերմանացի Լինուս Էմմերիքի հետ։
Մենախաղում Լուսինե Սմբաթյանը հաղթահարել է խմբային փուլի արգելքը, 1/8 եզրափակիչում 21-15, 21-6 հաշվով հաղթել է հույն Ստավրիանի Կոնստանտինա Պավլիդոուին, իսկ քառորդ եզրափակչում պարտվել է Իսրայելի ներկայացուցիչ Ալինա Բերգելսոնին` 11-21, 14-21:
